鍾嘉欣產後極速收身騷長腿　唱《戀愛預告》唔諗住老公

藝人鍾嘉欣上年喺誕下第三胎女兒Anika，產後好快就復出喺當地演唱，有粉絲於社交網晒出當晚表演片段，以一身閃爆Deep V短裙嘅佢產後極速收身，大騷長腿，身材Fit到爆！佢獻唱早排「國民初戀」姚焯菲（Chantel）翻唱再度爆紅嘅經典歌《戀愛預告》，唱Live保持以往水準，簡直係人靚聲甜，佢話：「我唔會諗住情人唱，唔會諗住我老公，我會諗住我啲BB仔。」仲大晒母愛話：「無論點樣媽媽都會永遠愛你㗎！」令全場Ｗarm到爆呀！