Ivy So首拍劇表現獲讚 爆被監製笑「肥到唔連戲」

2023年03月27日 22:01
東網電視
更多新聞短片
本地女團COLLAR成員Ivy So(蘇雅琳)主演的ViuTV原創劇《和解在後》今晚(27日)首播,首次拍劇並做女一的Ivy So,大讚台前幕後都十分溫柔善良,更笑言自己猶如在「養豬場」工作。她說:「例如我去美術部、機燈組、梳化服,佢哋都會係咁餵我食嘢,不斷供養我,咁樣每日一啖,就唔小心養肥咗。監製仲講笑,話我中間有段時間肥到唔連戲。」她說因常被取笑對零食毫無抵抗力,所以拍攝期間每日都有固定的禁食時間和頻密做運動,以保持狀態。
首次拍劇的Ivy So表現獲讚,被指為劇本做很多筆記,非常勤力。她聞言謙虛的說,自己仍有進步空間。至於在劇中驚喜現身的歌手尹光,笑言除了拍劇,也想做導演在音樂上有合作。