玄機︱張栢芝最愛「儲磚頭」　2億豪宅未夠喉

今日係3月28日，即係農曆閏二月初七。今日最啱破屋、壞垣，如果你屋企要大裝修拆晒所有嘢再重建，今日就係好日子！是日最旺生肖係猴喎，你哋有財神眷顧，投資好易有斬獲，一向鍾意「儲磚頭」嘅張栢芝就係屬猴啦，佢曾經自爆喺上海同北京都有物業，有消息話兩間都係頂級豪宅價值近2億。喂，今日咁旺一定要再「出手」啦，咪錯失良機！

而屬牛嘅人今日就工作表現好，大家都睇見你嘅努力，成績有目共睹！牛仔陳偉霆（William）事業真係超旺，電影《爆裂點》煞科冇耐，有導演又為佢度身訂造新片，咁多人搵佢拍戲，喺影視圈發展得勁掂！考下大家先，知唔知日本猴想恐嚇比自己弱嘅公猴個陣會點做？睇《玄機》就有答案！