星語︱視帝點會冇得撈？陳山聰勢強加薪在望

今日係3月29日，睇是日星座運程之前，不如挑戰吓IQ題，除咗加冰之外，熱奶茶加咩可以變成凍奶茶呢？想知答案就要睇《星語》喇！入正題先，今日嘅幸運星係天秤座，天秤座嘅朋友得到幸運之神眷顧，天秤座嘅應屆視帝陳山聰，最近就話自己喺TVB人工好低，依家仲有劇拍緊，應該唔會被裁員，山聰真係識講笑，依家你又紅又有觀眾緣，又點會冇得撈呀！又識做人又識講嘢，演技仲咁好添，今日運勢咁強，分分鐘即刻有得加人工呀。

巨蟹座嘅朋友愛情運上升，有心儀對象嘅話不妨嘗試表白。巨蟹座嘅何泳芍似乎仲係單身喎，有意中人就不妨趁今日出擊喇！

雙魚座嘅朋友應變力強，今日冇咩問題可以難倒你。雙魚座嘅麥美恩本身轉數已經夠快，今日更加做咩都無往而不利。