合照首次曝光︱黃曉明狂𥄫新歡着迷你裙踩板

內地影帝黃曉明自從同Angelababy（楊穎）離婚後，就火速傳出佢同白富美女友葉珂撻着，緋聞傳出近一年，有指黃曉明已經帶葉珂見家長，又頻頻被網友偶遇一同出巡，但似乎佢哋想低調感情事，從來都未公開合體。點知今日（29日）網上就流出黃曉明同葉珂的同框照，係二人傳戀情緋聞以來首張高清合照，即被網友狂嗌襯絕！

同時，近日有網友偶遇黃曉明現身上海某廣場街頭，見佢身穿白恤衫，陪住一名女性朋友玩滑板，有指位女友人就係葉珂。見黃曉明滿眼寵溺咁望實葉珂玩滑板，葉珂仲着到成個學生妹一樣，迷你裙襯同樣白色上衣，元氣滿滿，難怪網友都話睇背影都feel到個粉紅泡泡。