王浩信捐狗糧助「毛孩」　胡定欣爭取時間見粉絲

視后胡定欣、王浩信及蔡潔日前專程飛抵上海出席慈善頒獎禮，領取公益大使獎項兼乘機推廣流浪動物的公益計劃，希望為毛孩一個溫暖的家！

定欣透露剛入行時自己曾養過兩隻小貓，但當時工作太忙，每天離家上班都大感內疚，她說：「要佢哋喺屋企等，搞到好似好寂寞咁，但返到屋企佢哋瞓喺我身上陪我開心同流淚，所以動物真係我哋嘅好朋友。」今次定欣爭取時間與上海及內地粉絲聚會，又大嘆上海美食生煎包，非常滿足。

而王浩信本身有養狗，今次更捐贈500斤狗糧協助毛孩，活動上碰到內地演員孫岩，二人一見如故，原來他們有互相留意對方的作品。經歷疫情3年，浩信終於可以親身到上海與粉絲互動，他表示：「終於見到大家，唔使戴口罩，而且睇到大家嘅反應，好難得。」

蔡潔則透露自己3年前開始養貓，當時剛好疫情爆發：「好彩有佢哋陪我度過呢段時期，雖然話我哋畀咗動物一個家，但其實佢哋都畀咗一個家我哋。」蔡潔同樣趁機與粉絲聚會：「知道佢哋有啲喺廣西，甚至內蒙古專程嚟到上海，真係好感動，見到佢哋就係我工作嘅動力。」