真人真事改編︱《國王的伸冤》民女考古追尋國王遺骨

由《忘形水》（The Shape of Water）奧斯卡提名女星莎莉荷堅絲（Sally Hawkins）主演的英國新片《國王的伸冤》（The Lost King）改編自真人真事，講述英國素人考古學家Philippa Langley於2012年追尋英國已故國王理查三世失蹤遺骨的經過，以及如何被英國李斯特大學奪取她的功勞。

為準備角色，莎莉曾花多個小時聆聽Philippa的錄音聲。她不忿Philippa因為女性身份被學院派輕視：「你有時會諗，我哋係咪仲喺50年代？如果你係女性，你有一個有熱誠嘅目標，又有決心，好似Philippa咁，都仍然好容易會被排斥，話你太『情緒化』。真係令我好X躁，佢聰明，又有魄力，仲係正確！但佢都仲要爭鬥？究竟要點樣先可以證明自己？」