徐肇平生日畀女圍　同框緋聞女友蔡思貝冇避忌

黃淑儀兒子徐肇平早前35歲生日，人緣甚好嘅佢獲多位圈中女神好友齊集為佢慶生，包括劉佩玥、陳曉華，以及緋聞女友蔡思貝，艷福無邊！佢喺社交網上載合照，見劉佩玥拉大隊上門搞生日派對，連黃淑儀都素顏入鏡玩埋一份，相當盡興。其實徐肇平與蔡思貝早於2015年認識，由於經常被拍得聚會而傳出緋聞，但有指徐肇平已有模特兒女友，拍拖多時感情穩定，故相信與蔡思貝只係純友誼。