林家棟講心唔講金　遇好劇本錢慢慢講

林家棟、楊樂文、吳廷燁、陳湛文等為晚上到文化中心出席第四十七屆香港國際電影節揭幕禮，並為新片進行首映。家棟受訪講到監製透露他拍攝新片不計片酬？他笑說：「好劇本難求，錢請慢慢再講，之前拍鄭保瑞嘅《智齒》好刺激，今次再刺激過。（唔收片酬？）賣個關子先，未知，等套戲上咗先啦。（係咪共享分紅？）好似共享單車咁囉。」他又指並不是每套戲也不講錢，明知製作條件差但有好劇本也會支持，若資金充裕也會收正常片酬。

講到今次演出新片是否比《智》更辛苦？他說：「因為今次要嗌到聲嘶力竭，把聲都拆咗幾次，有場戲大家仲搵緊個重心，拍咗30幾take，上次《智》角色抑壓啫，今次係癲傻嘅，所以係更加辛苦。」他又指新片班底可謂銀河映像的敍舊作，笑指今次拍戲好像上了武當山吸靈氣。