Lokman回應MIRROR「退粉」潮：放開亦係一種愛！

MIRROR隊長楊樂文（Lokman）今日（30日）晚上到文化中心出席第四十七屆香港國際電影節揭幕禮，並為演出的電影進行首映。Lokman指電影是2019年拍攝，在片中飾演犯人的他指拍攝時也有靜靜雞向林家棟偷師，但去到中段才敢向家棟請教，他笑說：「我對家棟好敬畏，佢好似有成坐山咁嘅氣場，想行埋去，但又好驚。其實係我一雙情願啫，佢係好肯分享，都有提點我。」

講到有指MIRROR人氣下滑出現「退粉」潮，他則說：「可能係愛得太深，愛有好多種，放開亦係一種愛，可能抽身少少睇，有另一番風味，可能得閒又入行，得閒又出下，會好過癮呢。」他指不開心反而是粉絲的愛太深，希望偶像有更好發展而變得忟憎感不快。

講到有粉絲指5月舉行的官方歌迷會聚會安排失當，他說：「都有聽聞，會同公司反映。（有粉絲話聚會掠水？）如果真係太掠水會同公司反映，研究一下攞多啲數據先，如果係嘅就要調整一下。（粉絲同你反映？）冇乜留意，呢排喺愉景灣拍劇收唔到電話。」