中年好聲音︱支嚳儀首唱Rap「走甜」玩型格

2023年03月31日 18:26
東網電視
更多新聞短片
無綫綜藝歌唱真人騷《中年好聲音》,已進入爭入八強的階段,並找來杜德偉擔任嘉賓評審,支嚳儀、龍婷以及林鉫徫,三位女唱將有突破演出,經常甜笑、被評審戲言在賣牙膏廣告的龍婷,新一集以皮褸上陣化身形爆Rock妹獻唱《特別的愛給特別的你》,「走甜」造型令人眼前一亮,主持車婉婉笑言:「見到佢着皮褸,就知大事不妙!」杜德偉則大讚有驚喜:「人Show合一。」
樣子甜美的支嚳儀同樣「走甜」玩型格,她以白恤衫加吊帶西褲上陣,中性打扮非常有型;今次支嚳儀除了玩跳唱《頭髮亂了》,更首度挑戰唱Rap,兼邀得好友、《聲夢傳奇2》畢業生文佐匡(Sean)創作英文Rap。雖然支嚳儀造型上令人耳目一新,惟評審似乎對她的表演不太受落,杜德偉直言:「當你做第一個動作時,我就覺得唉…你嘅郁動唔夠大同Powerful,一開頭已經輸咗。」伍仲衡更直指:「唔好喺比賽度做未做過嘅嘢!」
上集轉Style玩甜美風的林鉫徫,是集改以在造型上玩突破,化上濃濃眼妝獻唱《眼色》,妖味濃兼極迷幻,表演期間她更拉咪飆高音,周國豐說:「見到你揀呢隻歌,覺得你癲咗,再睇埋你出嚟嘅妝,係嘩咗出嚟,但你嘅妝同首歌係Match嘅,因為件事係癲嘅。」杜德偉則大讚:「感受到你嘅努力同誠意,令我覺得自己都唔知唱唔唱到咁犀利,你個Range真係好闊。」