星語︱蔡思貝獲周星馳賞識　隨時做星女郎

今日4月1日開始，一連15日嘅《星語》都有青春美少女鍾泳瑤（瑤瑤）做嘉賓主持，大家千祈唔好錯過喇！睇是日星座運程之前，照慣例都要挑戰吓IQ題，點解校長請男教師嗰陣專揀身材瘦削嘅男人呢？想知答案就要睇《星語》！

入正題先，今日嘅幸運星係水瓶座，水瓶座嘅朋友幸運指數排第一，事業發展可以更上一層樓。水瓶座嘅蔡思貝近年有唔少出色作品，今日喺工作方面實再有突破！早前佢就獲周星馳應承收佢做𡃁，唔通個突破就係做新一代「星女郎」？

處女座嘅朋友財運唔錯，不過愛情運就差少少，容易發生小誤會。處女座嘅汪明荃同老公羅家英雖然已經係老夫老妻，但都要注意溝通。

山羊座嘅朋友只要保持樂觀笑多啲，身邊人就會更鍾意你喇！山羊座嘅伍樂怡咁好笑容，唔怪得咁受歡迎。