靠林敏驄搶上台機會　黃建東狂寫歌圓歌手夢

藝人黃建東（東東）最近在林敏驄演唱會擔任表演嘉賓自彈自唱，他坦言非常多謝劇集《下流上車族》：「去年感恩可以參與《下流》飾演保安陳，除咗多咗觀眾認識同喜歡黃建東之外，仲可以識到好搞笑嘅前輩驄哥。」今次東東是掹車邊踏上台板成為車總家人成員之一，他表示當歌曲《一家人》音樂響起，大家走出來的時候，很多拍攝的開心回憶浮現，感動到毛管棟兼眼濕濕。

另外，東東透露今次自彈自唱《酒杯敲你個頭》是演唱會兩日前驄哥提議：「因為自己一直有做開二次創作，所以收到呢個任務時好興奮，即刻不停練琴練歌。驄哥表面上難以捉摸，但其實佢係一個好有愛同好細心嘅人，好多謝佢今次比呢個機會我呢個藝員仔上台演出。」東東一直有寫歌，今年其中一個目標是推出自己的作品，現階段正考慮頭炮之作應該推出抒情歌還是搞笑歌。