星語︱奧斯卡封后！楊紫瓊前景有隱憂？

今日係4月2日，睇是日星座運程之前，不如挑戰吓IQ題，有隻雀仔唔小心飛咗入間Disco，之後突然跌咗落地，點解呢？想知答案就要睇《星語》喇！入正題先，今日嘅幸運星係獅子座，獅子座嘅朋友運勢好到不得了，生活稱心如意，不過理財要謹慎。獅子座嘅楊紫瓊近排勇奪奧斯卡金像獎最佳女主角，就梗係開心，但睇嚟要控制住，唔好一次買太多嘢獎勵自己。

處女座嘅朋友喺職場上有爭取表現嘅機會，要好好把握。處女座嘅MIRROR成員Jeremy（李駿傑）聽到未？把握機會表現自己呀！

天秤座嘅朋友只要保持樂觀，就容易獲幸運之神眷顧，對事業有利。天秤座嘅林盛斌（Bob）不嬲都咁正面，抵佢咁多Job！