毛舜筠拍新片唔覺邪　差啲叫劇組放棄佢

電影《死屍死時四十四》今日（4日）舉行謝票，一眾藝人毛舜筠（毛姐）、余香凝、MIRROR成員呂爵安（Edan)和柳應廷（Jer）等出席，夾定4月4日的4時44分吉時舉行儀式，以呼應電影名稱，Edan和Jer齊用戲中道具地拖作勢拖地代表衝次，及敲打4下銅鑼預祝電影大賣，之後各人兵分4路四圍謝票。

對謝票日子大玩4字食字，不覺邪門，毛姐笑言邪不能勝正，希望電影上畫44日，謝票謝足44日。電影原先安排賀歲檔，現在復活節檔期更加適合。她表示很喜歡這個新電影題材，覺得特別，拍攝期間遇上重重難關，自己差點拍不成，故對於票房不俗，感覺匪夷所思，她說：「原本我返唔到嚟拍，喺加拿大滯留，我叫劇組不如放棄我，唔想耽誤大家，點知劇組中有人中招，我先至好過啲。拍攝時正值雨季，但拍外景時又好順利，好難得。」