劉偉強北京趕拍新戲　劇組入面過生日

近年於內地發展順暢，曾拍攝《建軍大業》以及《中國機長》等大片的劉偉強，於4月4日兒童節生日，往年很多時都會在西貢舉行生日派對，不少藝人如周秀娜、薛凱琪以及內地藝人張涵予都曾是座上客，星光熠熠，相當熱鬧！

原本今年趁疫情減退，劉導都打算大搞一番，旨在與一班老友記聚頭，但可惜，卻因要在北京趕拍新戲，最終未能如願，他接受東網訪問表示：「本來打算開（生日派對）嘅，但前兩、三星期去咗美國，之後要返北京趕戲，所以喺劇組入面過，之後返嚟香港可能會再搞。（今年有什麼生日願望？）世界和平、身體健康！希望過咗疫情，大家都可以回復正常，日日開心。」