長期維持45Kg體重　楊冪狂啪6餸飯隊紅燒肉

內地女星楊冪一雙筷子腳喺圈中相當有名，本身身形纖瘦嘅佢，長期保持45Kg（約99磅）體重，又曾經公開過瘦身秘訣，包括5：2輕斷食法、少量多餐等。大家都以為應大得大嘅佢，係靠唔同嘅方法去Keep住食，但原來佢係天生麗質難自棄，最近佢上載咗自己餐lunch食咗乜，估唔到女神一口氣竟然啪足6個餸同成碗白飯，唔只係比大家想像中豐盛，當中更加係瘦身禁忌菜式，就好似紅燒肉等，不過同時都有過半係素食，包括番茄炒蛋、炒蝦、菜心配腸粉、荷蘭豆、娃娃菜等。

有網友就留意到佢差不多食晒兜番茄炒蛋，但其他餸就幾乎冇郁過，佢自己就留言：「今天對番茄雞蛋有點偏愛。蜜蜂們（楊冪粉絲）中午吃甚麼？」有人估其實有機會呢啲係佢同工作人員嘅飯餸，而非佢一個人食晒，如果唔係就認真浪費喇。