惡鄰風波仍未解決　隋棠晒逆天長腿博翻身

台灣藝人隋棠今年2月捲惡鄰風波，引起社會關注，雙方終進入法律程序，但最後經2次調解破局，任何一方若不繼續提告，全案就算正式告終。仲未搣甩惡鄰嘅隋棠，就選擇繼續開工，前日（6日）佢仲晒出多張美照，露出逆天長腿搞到粉絲又驚又喜。見佢身穿灰色Tee配上白色短褲，腳踏小白鞋，係咁扭腰放電，忽然逆齡似足大學生，一對逆天長腿毫無贅肉，高挑又養眼，完全睇唔出真實年齡已經42歲，更係2子1女之母。