許瑋甯邱澤愛得低調　結婚2年激罕同框放閃

台灣女星許瑋甯與老公邱澤愛得低調，自2021年結婚後甚少合體，連去年兩公婆齊齊現身「2022台北電影節頒獎典禮」，都同場不同台，日前佢哋合體一同出席飯局，同場台灣藝人好友陳美鳳於社交網大晒合照，2人先終於罕有同框，見佢哋雖然企喺眾人最後排，但邱澤搭實許瑋甯膊頭，兩公婆貼到實一實，一個舉動就搶晒FO，大放閃光彈。陳美鳳又留言：「在對的時間遇到對的人，就對惹。」雖然冇指名道姓，但網民都紛紛聯想到正正講緊邱澤同許瑋甯嘅愛情故事。