懶理生日會是非　炎明熹仙氣爆發賀成人禮

人氣小天后炎明熹（Gigi）昨日（9日）18歲生日，惟早前粉絲為佢舉辦嘅生日派對卻鬧出是非，被有份出席的網民怒斥「掠水」，嫌4百幾蚊位少嘢食，即獲多位「Gi炎粉」護航反擊，爆發罵戰。不過Gigi未有受事件影響生日心情，佢喺社交網大晒靚靚寫真相賀成人禮，見佢身穿粉紅色紗裙，即時仙氣爆發，大個女蛻變女神！佢又留言表示：「《18》目標，夢想，道路，精神，你，我，加油，次序不分先後，還有，感恩18年前的爸爸媽媽把我帶到這個世上。」