鍾嘉欣生日晒家庭照　寶貝仔送呢樣嘢超Sweet

藝人鍾嘉欣（Linda）一家五口移居加拿大，不時於社交網分享生活點滴，深受網友關注。昨日（9日）係Linda生日，佢同家人留喺屋企慶祝，今日（10日）更網晒生日靚相，見佢抱住3個寶貝仔女，而老公就向佢送上深情一吻，非常Sweet！

不過驚喜仲未完，因為仔仔送咗個「BEST MOTHER」獎座畀佢，之後Linda吹蠟燭，同家人齊齊食蛋糕，場面勁溫馨。Linda亦感觸喺貼文寫到：「簡簡單單就好，平淡健康就好。和睦溫馨就好。又大一歲，珍惜當下，走好自己的人生路。」而唔少圈中好友以及粉絲都向佢送上生日祝福，非常窩心。