馬國明有望「夫妻檔」吸金 唐詩詠唔排除回巢拍劇

2023年04月10日 17:24
東網電視
更多新聞短片
藝人馬國明、唐詩詠、陳山聰、劉佩玥、劉穎鏇、江美儀、林子善、趙希洛等,今日(10日)在紅磡為無綫劇集《隱形戰隊》宣傳,大會為林子善預祝生日,他多謝監製文偉鴻栽培是講到眼濕濕,相當感性。
劇集進入結局篇,問到馬國明與離巢的唐詩詠可有再合作機會?他說:「一定有,阿佘(佘詩曼)都返嚟拍啦,要睇佢檔期同公司誠意喇。」詩詠表示回巢拍劇要看緣分和誠意,現在自由身,自己去接洽合工作,感覺相當新鮮,她說:「嚟緊都有啲廣告會拍,希望愈嚟愈多。(自己傾價尷尬?)啲人都好錫我,都畀個好價我,所以都唔使傾價錢。」她又對於返內地工作抱開放態度。
馬國明相當羨慕詩詠自由身可以揀工作,講到他也是無綫台柱劇接劇?他自嘲說:「我只係小職員,公司好多台柱。」他希望與詩詠拍廣告,兄妹檔、甚至父女檔也有興趣,最緊要有廣告拍,他又指與未婚妻湯洛雯也未一齊拍過廣告,透露正接洽中。提議他拍攝奶奶、尿片廣告?他笑言:「咁快,不過無任歡迎。」至於是否已派帖請詩詠飲喜酒:「睇佢得唔得閒囉,個個都咁忙,都唔知點,今日唔講呢啲。」