歌手黃妍剛踏入31歲生日，今日（10日）約40位粉絲齊集並預備了生日蛋糕為她慶生。黃妍表示早前到日本旅行順道拍MV：「疫情後第一次飛日本，第一次見咁清嘅富士山同櫻花盛放，同埋去探我表姐同表姨甥女，上次見佢仲未識講嘢，今次去到會撩你玩，佢識講好多種語言，識匈牙利文、日文、英文同國語。」

她表示有買生日禮物送給自己：「買咗好多黑膠，最重要買到我偶像坂本龍一嘅日本版新碟。」問她除賞櫻外有否順道欣賞當地花美男？她笑謂：「有日坐喺河邊，見到班學生踩單車經過，好青春！（對日本男仔有興趣？表姐有冇介紹？）等我學好日文先啦。」她表示一直有聽日文歌及收看日劇，唯現時仍只懂説一句半句，生日願望是學好日文及考取駕駛執照。