7日後嫁竇驍　何超蓮晒大學畢業照轉移視線

已故賭王何鴻燊千金何超蓮，與內地男星竇驍將於4月18日假峇里出嫁，不過未嫁人先興奮，佢忽然今日（11日）晒出多張於倫敦大學嘅畢業照。見佢身穿學士服，對鏡頭雙手舉V，又大玩臉頰比心，笑容甜美，即大批網友留言恭喜，並笑言佢係咪想轉移視線，等大家唔好只Focus落佢婚禮上面。其實超蓮早於2012年，就已經以一級榮譽成績畢業於英國倫敦大學皇家霍洛威學院，期後再進修碩士課程，2020年碩士課程畢業。今次晒相，唔知係咪最近搵婚禮上面成長片段嘅相，而激起佢晒畢業照嘅衝動呢？