鄭伊娜參加電視節目着錯鞋　獲好友打救

藝人鄭伊娜(Ena)早前參加ViuTV節目《廚神奶奶是你媽》，與音樂人兼培訓導師的潘敬祖(Felix)婚後育有一女(芊豆B)的她，對於有此機會表示：「好多謝ViuTV畀咗一個咁好嘅機會我參與，我自己每晚都會攬住寶貝女一齊睇！佢好興奮咁問媽媽同嫲嫲點解喺電視入面？」Ena表示，以前拍過很多種節目，但與奶奶一起上電視一起下廚，感覺真的很特別，充滿娛樂性之餘，節目帶出訊息亦很正面。她更認為婆媳不一定要糾紛的，並大讚奶奶第一次拍攝表現非常好，絕不感到怯場呢！

Ena更表示特別多謝一位朋友，拍攝淘汰賽當日Ena完全唔知道要拍外景，並穿了高跟鞋，並要限時之內跑去買餸，而她更迷路令路途更遙遠，但到幾近支持不住時，黃正宜（阿正）卻於大門口迎接她，並借出波鞋予Ena穿著，而自己卻要「赤腳」進行拍攝，讓她十分感動，Ena更不禁大讚阿正：「你真係好正，愛你！」

Ena更提到，返到家時女女芊豆B見到「優秀食神奶奶獎」獎座，她立刻用玩具拼砌了一個獨一無二嘅獎座給媽媽，讓她甜在心頭呢。