張茜養尊處優鑽研畫畫　面圓圓難掩幸福肥

女星張茜與張衞健結婚後淡出幕前，過住半退休生活，雖然佢甚少公開露面，不過亦不時於社交網分享近況，最近迷上彩鉛畫嘅佢，頻頻晒出作品，不論係人像、動物、風景畫，都畫得栩栩如生，充滿藝術天分。佢透露其實年少時曾學過水墨畫，但已放下畫筆多年：「三十年沒畫了！算是重新學習了。」今次自學彩鉛畫，短短1個月已畫出如此出色作品，畫功相當了得。同時，相中見現年49歲嘅佢以短髮示人，而且面圓圓，比昔日圓潤不少，明顯近年養尊處優，擁有「幸福肥」，但亦因為雙頰飽滿脹卜卜而更顯年輕。