馬國明搏命搵「老婆本」　內地登台狂收利是

即將升格為人夫嘅馬國明（馬明），近日除了劇接劇拍不停外，早前更趁假期到內地登台賺騷錢，而向來「廿四孝」嘅馬明亦深得Auntie們寵愛，演出期間更喺利是收唔停！

早前有網友喺社交網分享香港到惠州兩日一夜旅行團，眾多行程中就以欣賞晚會最為吸睛，原來當晚演出嘉賓之一竟然有馬國明，只見一身藍色西裝上陣的馬國明獻唱拿手歌《友情歲月》，唱功明顯進步外亦深受現場粉絲捧場，台下粉絲全部激動舉起手機捕捉偶像身影，唔少Auntie粉絲更主動塞利是比馬明，收到利是後嘅馬明亦相當有禮貌地點頭表示多謝，而出名暖男嘅馬國明更主動行到台邊踎低合影，全程保持微笑表現相當親民。