張智霖滿臉白鬚顯蒼老　網民：歲月不留人！

昨日（12日）係張智霖外甥女Hilary 26歲生日，身為舅父舅母嘅張智霖與袁詠儀都有出席飯敍慶生，不過向來出名童顏嘅張智霖滿面白鬚，略顯蒼老嘅外貌就意外引起網民熱議，甚至有網友分析可能係精神壓力過大、過度焦慮，以及食煙習慣等影響到黑色素生成，令鬍鬚變白嘅機率增加。

而事實上張智霖長期忙於工作，去年更被診斷患上膽囊炎，工作全面延遲，康復後亦喺社交網感謝網友關心外，並表示將會忌口戒肥膩，再加上張智霖已年屆51歲，即使有白鬚都唔出奇！