玄機︱高EQ回應負評　吳若希靠投資擺脫「是非精」

大家一定睇到《玄機》又有新嘉賓主持啦，就係青春美少女陸雪雯（雪雪）！嚟緊一連20日都有雪雪同大家講生肖，即睇今日4月16日嘅運程如何先啦！通勝話今日宜祭祀、理髮同飾垣，最旺生肖係猴，你哋財運好旺而且仲係偏財運，之前付出過嘅努力今日就會開花結果！雖然講起「猴女」吳若希（Jinny）大家就諗起勁多是非，但其實Jinny好高EQ，早排先公開回應網民對佢嘅各種批評，投資有輸有贏所以都要有番咁上下EQ，咁吳若希一定好掂啦！

屬雞嘅今日人時來運轉喎，靠口才同學識就有滿意收入。雖然屬雞嘅陳自瑤（Yoyo），同老公王浩信嘅婚姻關係耐人尋味，不過大家都係留意番Yoyo工作表現先！早排佢直播帶貨，仲全程普通話上陣個個讚佢專業，直播觀看次數仲高達300萬，名副其實用口才賺錢喎。雪雪最後教大家泰文，學嘢啦喂！