馮德倫面前做自己　舒淇「下班圖」辣㷫網民

女星舒淇貴為圈中女神，真係一舉手一投足都迷到大家一陣陣，今日係佢47歲正日生日，早喺尋日（15日）其經理人公司就晒出一批「下班圖」賀一賀佢，其實就係佢嘅工作花絮相，等大家睇吓女神收工個靚樣。相中舒淇身穿Deep V喱士上衣襯牛仔褲，半躺梳化之餘仲朱唇半張，惹火又嫵媚，女人味勁濃，搞到網民都話啲相係另類「照騙」，根本就索到爆，而唔係大家以為嘅收工素顏相。

反而舒淇好友林熙蕾就晒出多張女相真正貼地相，又嗌對方做「老公」，當中更有舒淇同老公馮德倫罕有合照，真係Sweet到爆炸！