金像獎︱劉青雲單拖亮相　直認太太郭藹明深居簡出

曾兩度奪得金像獎影帝的男星劉青雲，憑電影《神探大戰》角逐今屆金像獎「最佳男主角」，更是呼聲甚高，今日（16日）他現身頒獎禮的紅地氈環節，只見他單拖上陣，未見太太郭藹明陪伴到場，而現場有不少人紛紛說加油，他接受訪問時說：「其實要加油嘅話，之前已經加咗，今日我都係嚟睇吓咩環境，（太太唔陪你嚟？）佢依家都係深居簡出，有幫我手，但唔會參與，等我嚟啦！（你已身經百戰，係咪已經唔緊張？）爾冬陞都好努力做咗好多嘢，所以我今日係抱住開心嘅心情嚟支持。」

對於金像獎特刊竟把劉青雲的英文名，錯印為MIRROR成員呂爵安的英文名Edan Lui，劉青雲對此說：「我知，不過好小事，啲工作人員都好辛苦，佢哋好多都係義工，我冇為呢件事而唔開心，都希望大家體諒！（會唔會keep番本錯體特刊？）都好喎！」