「最佳導演」韋家輝計劃開拍《神探大戰》續集

韋家輝自編自導的電影《神探大戰》於第41屆香港電影金像獎勇奪「最佳導演」一獎，而劉青雲則奪得影帝殊榮，他出席慶功宴時大表高興：「好奇妙，最開心就係青雲攞到男主角，佢係我最鍾意嘅男演員，佢攞到獎，我非常開心。」

談到下一個拍攝計劃，韋家輝透露：「因為我好少開續集，但我拍完《神探大戰》覺得裏面有一啲人物未交代得太清楚，例如林峯點解會咁樣，同埋青雲真實又係點樣呢，所以我而家搞緊兩個劇本，一個劇本就係《神探大戰》嘅續集，另一個就係有關90年代嘅黑社會電影。（搵邊個做？）其實都幾想青雲可以做，但我未同佢傾，因為我未諗好晒個劇本同所有人，咁我會搵青雲傾。」