Lokman想入圍金像獎　望「明燈」姜濤投對家一票　

人氣男團MIRROR隊長楊樂文（Lokman）今晚（17日）出席其有份主演的電影首映，獲近300名粉絲到場為他打氣，MIRROR成員亦現身捧場。問到Lokman會否要求隊友們在正式上映時撐場？他稱知道他們有個包場計劃，免費送飛給粉絲，但未知是否真的實行，至於他自己就未必會搞包場活動：「上映時可能會同大班朋入場睇吓觀眾反應，但就唔會一個人入場。」談到他在電影的表演獲得高度評價，問他會否希望明年提名金像獎？他坦言：「希望啦！有得提名當然開心，有冇信心就唔敢講，要交畀評審。（係咪叫姜濤唔好開名支持，以免被『明燈』燈死？）要叫佢投我嘅對家，燈死人哋，我嘅機會都大啲。」

Lokman在戲中演出瘋狂，他稱下次可演繹得再癲一點，又謂下次可跟同片的林家棟交換角色，飾演風水師，挑戰超難的專業術語對白。對於導演鄭保瑞稱讚他性格沉穩，Lokman自認比較沉得住氣：「因為身為團隊長，要穩得住自己，先可以觀察到所有嘢，睇多啲嘢，個人敏感啲，對演戲係有幫助，亦可以將導演所講嘅嘢吸收得好啲。」