「聲夢小花」文凱婷驚傳做小三　搭上大17歲歌唱老師

「聲夢小花」文凱婷參賽時與同屆參賽者孫漢霖（火雞）傳出緋聞，雖然2人否認多時，但就經常以「情侶檔」出現，不過文凱婷近日被爆真命天子另有其人，男友係比佢大17歲嘅唱歌導師湛耀東（Waye Cham），更驚爆疑做小三介入男方戀情。有指湛耀東本有拍拖多年嘅女友，但去年6月文凱婷搭上湛耀東，更令男方與女友分手。有指早前文凱婷與湛耀東前後腳出發同遊澳洲，男方媽媽更將有文凱婷在內嘅「全家福」上載至社交網，並配文：「一家人齊齊整整」，令戀情通天，並令人聯想文凱婷已融入男方家中。對於戀情曝光兼被指做「小三」，文凱婷直認蜜運中，男友亦是前唱歌老師，間接承認同湛耀東拍拖，但就強調開始拍拖時雙方皆單身，否認做第三者。