草野綾 解放蜜瓜G奶

呢期網絡上有唔少人就港女去日本拍AV呢單嘢議論紛紛，有人讚亦有人彈，計我話條女敢作敢為，肯為理想作出犧牲，勇氣可嘉，事關要喺公眾面對裸露身材唔係人人都做得到，好似今年28歲嘅草野綾，最近就推出第二本裸體寫真，確係值得敬佩！

極品巨乳

日本寫真界有好多巨乳美人，但唔係個個都夠膽露全相畀大家睇，今日為大家介紹嘅草野綾就唔同，拍起寫真上嚟一啲都唔錫身，相當大方。被歸類為姊系女優嘅草野綾，喺2017年投身寫真女優行列，當年佢喺原宿行街時被星探發掘，除咗因為顏值突出，亦同佢嗰副極品身材有關。事實上，綾妹有前有後，特別係心口對G Cup美乳勁吸睛，被稱為「最高級之蜜瓜奶」，最重要係佢早前已拍攝裸體寫真，對波有幾正，大家可以一目了然。

心繫家鄉

講開拍寫真，身材激凸嘅綾妹，只要着得性感啲就已經夠晒養眼，但佢為咗大家嘅眼福着想，喺2021年尾決定瞓身一脫，全裸演出第一本個人寫真集，結果坊間反應極好，銷量極佳，火速攀升至寫真集排行榜冠軍。舊年年尾，綾妹決定再下一城，推出第二本寫真集《白原》，同樣係全裸上陣，銷量亦相當理想。講真，近年可以喺一年內連出兩本寫真集嘅女優真係相當少有，亦為綾妹嘅寫真事業添上傳奇色彩。至於下一步會做乜？綾妹喺一次訪問中透露自己好掛住家鄉北九州市，所以好希望喺未來日子做啲嘢，例如向公眾介紹一下家鄉嘅風土民情，咁識得飲水思源，實在抵讚！