楊偲泳遇女排名將惠若琪：我呢世唔會體會到1米8

藝人楊偲泳（Renci）與前中國女排球星惠若琪，今午同場宣傳即將在港舉行的排球賽事，二人「身高萌」站着合照，Renci即仿如「小鳥依人」，畫面趣怪。雖然已加入娛圈展，Renci依然是本港丙組聯賽排球隊「飛魂」成員之一，她更於台上自爆﹕「十二歲開始打排球，因為身高問題，隊友通常見賽事冇乜『高人』，就會俾我落場。依家好多隊友都有家庭嘞，我哋冇乜時間練波，所以每次比賽都隨心打。」當聞得惠若琪小六已身高一米八，Renci即笑說﹕「我呢世都唔會體會到1米8嘅感覺！」

事後受訪時，Renci表示未入行曾到紅館欣賞惠若琪來港比賽﹕「頭先喺後台唔敢同佢講嘢，好彩有工作人員幫我哋破冰，我都有乘機合照留念。（啲排球隊隊友結晒婚，令妳有想成家嘅念頭？）努力啲拍戲先，其實之前拍咗嘅《不日成婚2》及《金手指》等，應該會陸續安排上映。（嚟緊有乜工作安排？）六月會開新戲，今次個角色冇《毒舌大狀》咁沉重，發揮自由度高啲，唔想講太多住嘞，依家忙緊圍讀同前期工作囉。」