陳連聯婚︱關智斌眼紅紅到場　笑稱妒忌到眼火爆

新郎陳家樂同公司藝人關智斌（Kenny）與李幸倪（Gin Lee）今日（24日）出席陳家樂與連詩雅的婚禮，問到Kenny準備了甚麼賀禮時，他笑言他們甚麼都有：「我送大人情畀佢哋。（幾大？）我出手唔會低。（十萬八萬？）留番畀老闆。講錢傷感情，大人情個個睇法唔同。」他稱戥兩人開心，自稱由細睇到家樂大，加上他跟與新娘合作過，問會否催他們早生貴子？他指他們自有計劃。另外，見Kenny右眼爆微絲血管，他開玩笑說：「我妒忌到眼火爆。我經常都爆微絲血管，可能做運動太勁，但教練話我諗多咗，有機會係畫完眼線落妝落得唔乾淨。」

至於Gin Lee透露跟連詩雅相識較長時間，兩人差不多同期入行，反而跟家樂只是入新公司後見過幾次：「入咗公司幾個月就有得飲好開心，全公司都好戥佢高興，我會送利是畀佢哋做賀禮，因為最實際，佢哋鍾意買乜就買乜。（下個到你？）冇咁快。」她又自爆跟Kenny有個任務，就是要為泳兒搶花球：「因為之前泳兒喺社交網上載咗張戒指相宣傳新歌，大家誤以為佢結婚，所以我哋要搶個花球畀佢促成件事。」