關係持續好轉︱汪小菲孖S媽賀愛女生日：永遠是家人

台灣女星徐熙媛（大S）前夫汪小菲近月返台同仔女見面，期間更跟前外母S媽黃春梅聚餐時，因為依舊稱呼S媽做為丈母娘（外母），令外界推測佢同大S一家關係大突破。尋晚（23日）汪小菲又發功，原來尋日係佢同大S嘅大女「玥兒」生日，佢就上載短片並留言：「家人永遠是家人，玥兒的生日，爸爸絕對不會缺席」當中驚見S媽再次現身，而汪小菲亦好嘴甜咁大嗌佢：「丈母娘～」S媽聽完都立刻露出開心笑容，不過當晚飯局依然見唔到大S及小S。隨後佢再將鏡頭轉向身旁嘅台灣藝人歐漢聲等，及透露25日就會返內地，結束短暫台灣行。