何遠東瑞士旅遊雪山歎咖啡令願望達成

藝人何遠東早前到瑞士旅行，圓了自己多年的心願，他於自己的社交平台分享靚相，旅程「落力」吃喝玩樂，令人既妒且慕﹗返港後他受訪表示：「一直以來，我好想望住雪山飲咖啡，今次終於實現咗嘞。係早排我突然有假，朋友鼓勵我出走，咪貿貿然咁買咗張機票起行，出發前完全冇任何行程計劃，連酒店都未訂就飛嘞。」

原來東東有朋友在瑞士當上了心理學家：「所以今次講得上係探親，大家識咗廿年，佢就做咗我導遊，帶我周圍去玩。我游走咗好多瑞士小鎮，眼睛嘆咗好多美景，食咗好優質嘅瑞士牛扒。（最難忘係乜？）坐登山纜車抵達少女峰，首次感受到高山反應，當時不斷提醒自己要慢慢行，我突然變咗好似80歲阿伯咁。雪山天氣變幻莫測，我哋冒着大風雪，千辛萬苦影咗一張雪山相，就覺得一切都值得。」

東東又指返港時遇上阻滯：「用咗差唔多30小時先返到嚟，不過圓夢之旅依然係無憾嘅。今次旅程令我深深體會到，大家如果仍然有夢想，就宜係要繼續前進。」