林襄遊韓放鬆　第一站即被司機「呃」？

台灣啦啦隊女神林襄擁有超高人氣，但自南韓啦啦隊女神李多慧正式加盟「樂天女孩」後，兩女時常被網民比較。而林襄日前就同好友去韓國旅遊放鬆，點知第一站就疑被司機「呃錢」。林襄更在社交網分享經過，佢指原本叫咗車，想喺第二航廈去首爾市區，預計車費約46400至58800韓元（273.30至346.33港元），但因語言不通，被加價至8萬韓元（約471.20港元）車資。之後佢朋友嬲到發相抱怨：「我們第一站就被騙嗎？」林襄也轉PO這則到動態。

但呢件事冇太大影響林襄嘅心情，見佢喺當地瘋狂食好嘢，如熱狗、燒肉、生牛肉、大醬湯等，仲自爆被韓國粉絲認出，而佢住嘅酒店亦相當大，兩房一廳，仲有開放式廚房，真係開心呀！