賴弘國激罕放閃　現任老婆產後弗爆不輸前妻阿嬌

藝人鍾欣潼（阿嬌）前夫、有「醫界王陽明」之稱嘅賴弘國6年結3次婚，去年終榮升爸爸，第三任老婆Alice為佢誕下兒子「小賴寶」。拍拖及結婚初期一直保持低調嘅佢，近日罕有放閃，於社交網晒出與老婆單獨合照，見Alice產後7個月已回復苗條身段，四肢纖幼同時上圍再升Cup，瘦身不瘦胸，身材超好！

賴弘國又留言冧爆表示：「拾獲辣媽一枚」，老婆則回覆指：「謝謝老公幫忙產後保養」、「而且要鳳凰電波、音波、玻尿酸、肉毒、激光，專業一次搞定」，原來係幫老公嘅醫美診所宣傳。網友大讚佢哋俊男配美女，好友蕭亞軒亦留言：「Soooo sweet！（太甜蜜了）」