姜濤童心未泯　諗過唔做藝人轉行做小學老師

男團MIRROR人氣王姜濤近日以連鎖快餐店的慈善大使身份，重新演繹經典歌曲《沒有翅膀的天使》，並與一大班小朋友齊齊拍攝MV，姜濤無論鏡頭前後都與小朋友玩得十分開心，十足大細路，充滿童心，姜濤表示很喜歡跟小朋友一齊玩：「我有諗過唔做藝人，會做小學老師，就算係幼稚園都OK。」

他在MV中飾演玩具修理員，專門幫小朋友修理壞掉的玩具，他有感而發說：「好多時唔係只有玩具去陪佢哋，而係需要一個人陪佢哋玩玩具，我覺得對小朋友需要多啲關心同關懷，我向來好想慈善同義工，我嘅粉絲都經常會做慈善，所以我都想做番啲嘢，做慈善唔止幫到人，仲會令自己開心，可以話係雙贏。」