陸浩明公開爆房實況　女友陳詩欣真空上陣

藝人陸浩明（6號）日前44歲生日，其索爆女友陳詩欣（Ayan）精心為男友慶生，兩人飛抵台灣墾丁租住民宿別墅慶祝，而他亦拍攝女友的爆房實況，在社交網上向全世界公開放閃兼晒命，而悉心打扮的Ayan穿上疑真空的大露背裝，讓男友拍過夠。

片中，Ayan帶網民參觀其擁有花園露台的別墅，入屋一打開門就見房間超闊落，設計相當有台灣風情，而她更刻意走入位於客廳中的大浴缸，6號更介紹別有洞天的露天透明泳池，之後再直入房間，床上有氣球及生日蛋糕仔，期間他拎起床上的金表，雖然是數10萬的手錶，但由女友親手製作的手作品，深感幸福的6號亦笑到見牙唔見眼，不少網民祝6號生日快樂，陳敏之更稱再次催促兩人盡快結婚。

另外，6號又帶女友返回家鄉佛山工作兼旅遊，他說：「去佛山只要係食吓嘢，好似好馳名嘅雙皮奶咁，仲有去啲景點行吓打吓卡，都幾正呀。」兩人頻頻外遊，過足旅行癮。