孖虞書欣「師徒」重聚　袁詠儀冧爆：太讓人寵愛了

藝人袁詠儀與老公張智霖近年主力內地發展，參與過大大小小嘅綜藝節目，其中佢哋兩公婆於2016年為節目《一年級．畢業季》擔任導師，事隔7年，學員之一嘅虞書欣如今已升呢成為一線小花，但佢依然冇忘本，呢日相約兩位導師敍舊，當年袁詠儀喺節目已多次表明欣賞虞書欣，今次再見面一樣讚不絕口，佢喺社交網大晒合照並留言：「爽朗的性格，溫暖的心，太讓人寵愛了，好好照顧自己，下次見！」見佢哋「兩師徒」攬到實一實，感情非常好。