離奇！宣布與張丹峰離婚　洪欣自爆畀人狂Del Post

藝人洪欣同內地演員老公張丹峰自2009年傳出婚變後，二人關係一直都係網友關心對象，今日（1日）凌晨3點幾，洪欣突然宣布結束14年婚姻：「我和張丹峰不再是夫妻關係」震驚網友！由於過去男方多次被傳出軌經理人畢瀅，令網友多番揣測，其後張丹峰亦貼文證實二人要離婚：「對，不過了」，佢仲疑似情緒失控，連續回應網友外，經理人畢瀅亦緊隨發聲。

張丹峰喺洪欣宣布離婚後1個小時，就發文tag對方：「對，不過了」證實二人已經分開嘅消息。此外，最離奇嘅係，洪欣其實從凌晨2點幾開始，一共發足3次離婚宣言，後來先解釋：「某人一直刪我微博」令讓外界懷疑係張丹峰「做手腳」，但佢本人就反擊：「你哪隻眼睛看到我刪了？」之後畢瀅今早亦急急發文，似係想撇清自己小三身份：「兩位老師，吵架歸吵架別拿離婚開玩笑，這麼發展我真是說不清了 @張丹峰 @洪欣 ​​​」劇情反轉再反轉。同時，有網友翻出此前畢瀅曾公開留言，表示自己冇破壞二人家庭，稱自己內心強大做人直接。

面對網友留言「和畢瀅過嗎」、「所以是刪不過來了才回應的嗎」等，張丹峰亦通宵回擊，言詞更見失控：「和你過了，怎樣小蒼蘭（網友名字）」、「我只會罵造謠誹謗的人，麼麼噠（內地用語，表示錫錫）」、「你哪隻眼睛看到我刪了，sx（普通話粗口諧音）」精神狀態令人擔憂。

而畢瀅共關聯2家企業，為北京峰焱文化有限公司、晞彤（上海）影視文化工作室，均為畢瀅個人獨資，並由其擔任法定代表人、投資人。目前2家企業均已注銷。

而呢段姐弟戀，自張丹峰於2009年被拍到同經理人畢瀅喺同一間房待7小時後，就已爆出出軌風波，女方甚至着埋睡袍由房入面走出，連佢工作收入都係匯到畢瀅帳戶。事件愈鬧愈大，最後畢瀅否認並引咎辭職，但近月卻被發現依然為張丹峰打理工作事宜，更曾爆出疑似張丹峰同畢瀅嘅結婚領證註冊資料等，三人關係更見模糊。

其實，二人婚姻亮起紅燈已傳出多時，惟今年3月2人突2突然變得高調恩愛，十指緊扣現身機場，但遭網民揶揄是「翻版世紀一拖」、「現在應該是他們三個人一起過？」上月初，2人最後一次合作直播帶貨，但當時氣氛卻有點尷尬。男方甚少跟女方眼神交流，還數次打斷對方她說話，明顯不想與洪欣互動。而直播中洪欣笑容僵硬，全程沒有以老公、老婆相稱，仿如陌生人一樣。