張信哲開騷改歌詞冧粉絲　被5萬燈海感動哽咽

台灣藝人張信哲4月28日係杭州奧體中心舉辦「未來式2.0世界巡迴演唱會」，全場5萬張門票開賣瞬間就被清光，人氣高企外，亦成為首位開幕後舉辦大型演唱會嘅歌手，甚至唱到《有情世界》時，更感動到差啲喊。

當晚張信哲身穿金色連帽風衣從升降舞台華麗登場，並以經典歌《愛如潮水》打頭陣，其後一連唱咗《別怕我傷心》、《寬容》、《愛就一個字》、《相信相依》等，而唱到《上海姑娘》時，張信哲更照慣例將歌詞地名改成開騷嘅地方名，甫一唱出「最愛的『杭州』小姑娘」時，引起全場興奮尖叫。

最後，張信哲唱到《信仰》時，全場5萬名粉絲更全部將手機較成閃光燈模式，形成一片燈海跟住歌聲搖曳，場面感人。