袁偉豪張寶兒拍旅遊節目隨時「搞出人命」：我哋都ready

藝人袁偉豪與太太張寶兒、林漙來和老婆關宛珊及仔仔、關禮傑等在將軍澳電視城出席節目《同屋企人去旅行》記者會。袁偉豪與張寶兒2017年拍攝節目《扛工捱世界II》撻着，《同》是兩人婚後首個節目，今次到汕頭、汕尾、潮州等地一日食足8餐外，更在節目中少有地分享婚姻關係，更感性到喊，婚後雖然已去過多次旅行，但她直言今次旅程也有度蜜月感覺。

講到兩人因拍節目成為夫妻，今次再合作節目會是時候「造人」成為父母？偉豪笑謂旅程相當忙碌，沒有足夠精神，要隨後再養精蓄銳，他笑說：「我哋都ready，都想有新嘗試，小朋友不嬲都鍾意，期待有呢日，等我keep番好啲先。」寶兒則指順期自然，有時因工作難以準備，惟有趁空閒保養好體魄。

有自己工作室的偉豪指今月將會推出第3首新歌，隨後也會多創作，除了演出也希望多參與幕後製作，希望音樂與拍劇能取得平衡。

此外，關禮傑指今次與女兒關楓馨到惠州拍攝，但有晚他因吃得得太飽，令到胃部不適要漏夜去醫院，慶幸服藥後並沒有大礙。