BB女神世紀同場　黃美棋儲錢再開分店

「美棋BB」黃美棋除了拍劇及當主持外，早年更升呢當老闆娘大搞食肆生意，日前她到中環出席髮型屋開幕活動時，不禁有感而發，說憶起自己開店時的辛酸史：「見到髮型師新店開張真係百感交集，諗返起之前開舖，係要做好多準備工夫，唔係我諗得簡單。」至於有否向老友髮型師過招，給對方經營生意的意見，她笑說：「唔使啦，佢哋本身已經好有經驗同諗法，成間舖以洞穴為主題概念，石牆身、圓拱形門、石柱間隔，甚至洗手間啲裝修風格都好一致！遲啲到我儲到錢開多間嘅話，要問返佢哋拎意見先得！」

跟黃美棋一樣是「BB級」女神的「嘉倩BB」陳嘉倩也同場，兩位童顏女神鮮有同框，原來她們共用同一髮型師，陳嘉倩說：「以前同台都未見過，今次好開心可以認識到大家！」黃美棋說：「真係呀！好多藝人朋友仔都會嚟呢到整頭影相，間唔中都會見到大家，整頭嗰陣多個人陪，好玩好多！」