首度直播帶貨　陳展鵬：幾百萬人一直互動好開心

視帝陳展鵬前晚首次為無綫與平台合作的帶貨直播擔任特別嘉賓，與黃智賢拍檔介紹靚貨，展鵬接受東網訪問時坦言:「呢幾年大家都喺網上買嘢多，有時睇到啲衫同家品好吸引，我覺可以同一班同事帶貨，就好似做緊綜藝節目，好多時大家都係爆肚，而且同時間可以同幾百萬人一切互動，網民又即時畀反應，成件事係好開心。」展鵬笑言現場吃了不少好嘢，又獲送不少禮品，絕對是滿載而歸。而同場的黃智賢向來廚藝了得，更即席教展鵬煎牛扒，展鵬謂：「我自己較少煮嘢，Ben都教咗我好多，大家好似一個Men's talk咁，唔係呢個直播都好少機會大家share，尋日嗰隻雞、鮑魚真係好好食，唔係靚貨唔介紹畀大家。」

展鵬又指這個節目模式很適合無綫藝人，「佢係因應我哋唔同嘅人，熟悉嘅嘢而去做分享，同啲同事一齊去玩，成件事做得好好，我哋最高有350萬人一齊傾偈，直接互動，呢個係好難得，幾開心，希望之後有多啲機會同大家見面。」