爆操女神︱肚腩有救！陳婉衡親授一招　E Cup葉俙賢練出24吋腰

全新一輯《爆操女神》終於登場，當然全新嘅製作會同過往有所不同啦，今次節目會搵網紅同「素人」靚女做主角，仲搵嚟星級導師教佢哋健身同瑜伽，令呢班靚女蛻變成為真真正正嘅女神。第一集出場嘅係參加過HOY TV真人騷《Summer Girls 2022》，今年26歲擁有E Cup「Big爆」上圍嘅葉俙賢（Amber），佢嘅社交網有5萬個粉絲追蹤，人氣都相當唔錯，Amber上圍咁豐滿，當然條腰唔多唔少都會有啲贅肉，追求完美嘅佢點先可以變Fit啲，咁就要星級導師陳婉衡（Alycia）幫手，教Amber兩招踢走肚腩仔，瘦腰兼練腹。

今集Alycia教嘅第一個動作係Wood Chop（伐木式），呢個係一個針對上半身嘅動作，主要練到斜腹肌，相對其他腹部訓練動作，例如平板支撐及捲腹都淨係針對前面嘅腹肌。眼見Amber做呢動作都非常辛苦，如果想知點樣做Wood Chop，就要快啲去片，睇新一輯嘅《爆操女神》啦！

場地：Snap Fitness (sanpokong)